МУИС-ийн дэргэдэх Нүүдэлчдийн археологийн хүрээлэн, Архангай аймгийн Соёл урлаг, аялал жуулчлал, залуучуудын газар хамтран ирэх намар орон нутагт буган чулуун хөшөө сэдэвт эрдэм шинжилгээний хурал зохион байгуулахаар ажиллаж байна.
Манай улс буган чулуун хөшөө, хүрлийн үед холбогдох дурсгалуудыг ЮНЕСКО-гийн Дэлхийн өвийн жагсаалтад 2023 онд бүртгүүлсэн билээ. Ингэснээр буган чулуун хөшөөг Төв Азийн нүүдэлчдийн бүтээсэн, түүх, соёл, урлаг, гоо зүй, танин мэдэхүйн асар их мэдээлэл агуулсан дахин давтагдашгүй, хосгүй үнэт өв гэдгийг дэлхий дахинд зарласан юм. Энэ гайхалтай өвийг хамгаалах ажлыг эрчимжүүлж, таниулан сурталчлах нь эрдэм шинжилгээний хурлын гол зорилго гэнэ.
Буган чулуун хөшөөг үнэт өв гэдэг талаас нь олон нийтэд таниулах, энэталын мэдлэг, мэдээлэлгүйгээсээболж соёлын дурсгалыг сүйтгэдэг байдлыг таслан зогсоох, хамгааллын чиглэлээр сүүлийн үед хийсэн ажлуудаа танилцуулахыг зорьж буйгаа санаачлагчид нь дурдав. Хурлыг буган чулуун хөшөөний өлгий нутаг гэгддэг Архангай аймагт зохион байгуулахаараа онцлог. Дэлхийн хамгийн олон бугын дүрслэлтэй, овор хэмжээгээрээ хамгийн томд тооцогдох дурсгал тус аймагт бий.
