Жүжигчин Жонатан Бейли “People” сэтгүүлийн “Оны хамгийн халуухан залуу”-гаар шалгарлаа.
Өдгөө 37 настай Жонатан Бейли ижил хүйстэн гэдгээ ил тод зарладаг нэгэн бөгөөд энэ шагналын 40 жилийн түүхэн дэх хамгийн анхны ЛГБТ төлөөлөгч болсон байна. Тэрбээр “Энэ бол нэр төрийн хэрэг. Би оны эхээр шагнал авах болсноо мэдсэн. Сэтгүүлийн газар халуун, тачаангуй байхыг жинхэнээсээ ойлгодог хүнд энэ шагналыг өгсөнд баяртай байна” гэжээ.
“People” сэтгүүлийн “Оны хамгийн халуун залуу”-гаар сүүлийн таван жилд, 2020 онд Майкл Б.Жордан, 2021 онд Пол Радд, 2022 онд Крис Эванс, 2023 онд Патрик Демпси, 2024 онд Жон Красински нар шалгарч байлаа.
