Батлан хамгаалах бодлого, зэвсэгт хүчний үйл ажиллагааг сурталчлах, Монгол цэргийн музейн үйлчилгээг олон нийтэд хүргэх, иргэн-цэргийн харилцааг хөгжүүлэх, эх оронч үзлийг дэлгэрүүлэх зорилго бүхий “Музей нүүж явна” хөтөлбөр энэ оны анхны гараагаа Сонгино цэргийн хүрээ, Сансар цэргийн хотхоноос эхэлжээ. Энэ удаа Монгол цэргийн музей сан хөмрөгөөсөө ховор нандин үзмэрээ дэлгэх аж.
“Музей нүүж явна” хөтөлбөрийн хүрээнд ирэх сарын 18-наас Улаанбаатар цэргийн хүрээний бүхий л ангиудад музей нүүж очихоос гадна Халх голын ялалтын 75 жилийн ойд зориулан Баянгол дүүргийн 22 хороо, ерөнхий боловсролын сургуулиудад “Дайчин туг” аялуулах ажлыг зохион байгуулах юм байна.
Ч.Энхжаргал
