Их Британийн уран бүтээлч Эмма Аллен өөрийн нүүрийг хувирган будсан 750 гаруй зургаараа “stop motion” видеог хийсэн байна. Тэрбээр энэхүү видеондоо өөрийгөө хөгшрүүлж, тэс өөр болгож олон янзын хэлбэрээр буджээ. Эмма Аллен нь make up болон body art, 3d art зэрэг урлагийн олон төрлөөр найман жил уран бүтээлээ туурвиж байгаа юм. Мөн тэрбээр өөрийн уран бүтээлүүдээ гол төлөв Шри Ланкын хүүхдүүдэд хандив цуглуулах зорилгоор бүтээдэг гэнэ. Эмма нь нүүр болон бие будах урлагаа “Ruby” хэмээн нэрлэжээ. Энэхүү видео нь Vimeo хуудсанд өнгөрсөн арваннэгдүгээр сард гарсан бөгөөд түүнээс хойш 150,000 хандалтыг харин YouTube хуудаснаа 118,000 хандалтыг авчээ. Мөн тэрбээр энэхүү make up болон body art-аараа дамжуулан Их Британийн хорт хавдартай хүмүүст тусладаг юм байна.
Эх сурвалж: Eagle.mn
