Хуримынхаа ёслолыг сүр дуулиантай, ардын уламжлал дагуулан хийж, ирсэн зочиддоо Говийн өндөр, Цэнхэрлэн харагдана хэмээх хоёр ардын дууг хамтран дуулж бэлэг болгож байсан уртын дуучин, МУСТА Д.Жавхаасайхан, Д.Үүрийнтуяа нар "кинонд тоглосон уу" гэх асуултыг олон түмэнд төрүүлэхүйц сурталчилгаа телевизүүдээр цацагдаад байсан юм.
Тэгвэл энэхүү сурталчилгааны нууц задарлаа Хэдийнээ өөр өөрсдийн уран бүтээлээрээ ард түмэндээ танигдсан тэд "Аргагүй амраг" нэртэй өөрсдийн бие даасан тоглолтоо тусгаар тогтнолын ордонд,03 сарын 08-ны өдөр, 15 цагаас ганцхан удаа тоглохоор болжээ.
Монгол ардын харилцаа дуунуудаас бүрдсэн “Язгуур” нэртэй шинэ цомгоо гаргаад удаагүй байгаа уран бүтээлчид маань соёл урлагийн салбарт тасраад байсан ардын харилцаа дууг эргэн сэргээн дуулсан нь мэргэжлийнхнээс өндөр үнэлгээ авч байгаа. “Язгуур” цомог нь уртын дуучин, МУСТА Д.Жавхаасайхан, Д.Үүрийнтуяа нарын анхны цомог бөгөөд “Цэнхэрлэн харагдана”, “Бор торгон хантааз”, “Торой банди”, “Сүнжидмаа”, “Ламбугайн нулимс”,”Аргагүй амраг”, “Юндэн Гөөгөө сийриймаа”, “Говийн өндөр”, “Саруул тал” гэсэн есөн дуунаас бүрджээ. Монгол ардын уртыг дууг этник хэлбэрт оруулан дуулсан төдийгүй Монгол улсын морин хуурын чуулга, Үндэсний цөөхүүл хөгжимтэй дуулснаараа мөн үндэсний чиг хандлагыг харуулж чадсанаараа онцлог цомог болж чадсан юм.
Тоглолтын тасалбарыг www.easyticket.mn сайтаар дамжуулан захиалах боломжтой бөгөөд мессэжтэй лавлах 1199 танд үнэгүй хүргэж өгнө. Дэлгэрэнгүй мэдээллийг 91912331 утаснаас аваарай.
www.URLAG.mn
