Зохиолын дуучид дуундаа мисс хэмээгддэг дуучин А.Түмэн-Өлзийд уулзаж, учрах санал тавьдаг эрчүүд цөөнгүй. Тэр бүрт дуучин бүсгүй ноён нуруутай хандаж, эелдэгээр татгалздаг гэнэ. Харин тэрбээр энэ удаад өөрт нь хандарсан залууд үнэн голоосоо дургүйцсэн бололтой өөрийнхөө цахим хуудсанд санал тавьсан смс бүхий зургийг нийтэлсэн билээ.
Үүнээс болж “Хөх Монгол принтинг” ХХК-ийн захирал н.Гэрэлт-Одын “Наад зургаа Фэйсбүүк байтугай өшөө олон газарт тавь” гэсэн агуулга бүхий сүрдүүлэгт автсан байна. Дуучин бүсгүй өөрийн цахим хуудсаараа дамжуулан дараах албан ёсны мэдэгдлийг хийсэн байна. Тодруулбал, “Би шантрахгүй. Доромжлох тусам нь Долоон бурхан шиг гялалзана. Аялан тоглолтондоо гарнаа найзуудаа. Тэр хүний бүх смс надад баримттайгаа байна. Намайг тийм дуучин танихгүй, шүүхэд өгнө гэж ярилцлага өгсөн байна. Урлагийн эмэгтэй хүний яаж ч доромжилж, харьцаж болно гэсэн бодолтой тйимэрхүү хүмүүст сургамж болох биз. Би л энэ бүхнийг дэлгэж байгаа болохоос өөр олон эмэгтэй уран бүтээлчид ийм байтугай зүйл тохиолддог. Надад хүн зүгээр нэг санал тавьсан бол би ингэж олон нийтэд цацахгүй өнгөрөөх байсан. Тэр хүн намайг өөртэй нь энгийн хүмүүсээс өөр харилцаатай байгаагүйн төлөө надад хорсож, миний бүхэл бүтэн Монгол орон даяар тоглох аялан тоглолтын ажлыг санаатайгаар үгүй хийх гэж оролдсон. Намайг хүмүүс буруутгаж болно. Гагцхүү эмэгтэй хүнтэй ийм байдлаар харьцдаг хүн бага байгаасай гэсэндээ би дэлгэсэн. Өөрийнхөө төлөө биш, бусад бүх бүсгүйчүүдийн төлөө юм шүү. Харин тэр хүний эхнэрээс би албан ёсоор уучлалт гуйж байна. Адилхан эмэгтэй хүнд ийм мэдээ сонсох эвгүй байгаа байхаа. Би хүнээс зүгээр ивээн тэтгээч гэж гуйдаггүй. Буцаагаад надад үүрэг хариуцлага гэж ТОМ юм байдаг. Тэр бол миний дуучин гэсэн мэргэжил юм. Тэгэхээр би ариун цагаан, үнэн шударгаар урлагт яваа минь хэзээ нэгэн цагт надад үр шимээ өгнө. Би итгэдэг юм. Угаасаа үнэнээр яваа хүн бурууддаг болсон цаг юм даа. Ийм зүйл хийх болсон шалтгаан минь наддаа дэндүү том учраас нийтэллээ. Эмэгтэй хүнийг хайрладаг, хүндэлдэг МОНГОЛ ЭР ХҮНД би хайртай.” Хэмээн бичиж аялан тоглолтондоо бэлдэж байгаагаа хэлжээ.
Үүгээр ч зогсохгүй тэрбээр өөрийг нь шүүхэд өгнө байгаа н.Гэрэлт-Од бусад смс-ийг дэлгэж хэзээ л бол хэзээ, өөрийг нь сүрдүүлсний төлөө шүүхэд хандахад бэлэн гэдгээ илэрхийлсэн байна.
Дуучин бүсгүйн энэхүү зоримог алхам бүсгүйчүүдээс дэмжлэг ихээхэн аваад байгаа бөгөөд дэмжигчдийн тоо нэмэгдээд байгаа гэнэ.
А.Баярмаа
