Найруулагч Д.Золбаярын бүтээл “Аравт” түүхэн кино олон улсын кино фестивальд оролцох эрхээ авчээ. Уг фестиваль ирэх дөрөвдүгээр сард БНСУ-д болох юм байна. Одоогоор уг фестивальд 100 гаруй уран бүтээлч оролцохоор мэдүүлгээ өгөөд байгаа тухай мэдээлжээ.
Монгол Улсыг төлөөлөн оролцох “Аравт” түүхэн кино ирэх гуравдугаар сарын 5-нд Буриадад нээлтээ хийх аж. Мөн Казакстан болон Улаан-Үдэд гаргах төлөвлөгөөтэй байгаа гэнэ. Дэлхийг эзэлсэн Чингис хааны цэргийн аравт, зуутын зохион байгуулалт, их Монгол Улсын хаадын мэргэн, холч ухаан бодлыг хэрэгжүүлэхэд нэгэн сэтгэлээр зүтгэж явсан эгэл жирийн баатарлаг цэргүүдийн тухай тус кинонд өгүүлдэг. Тус киноны хөгжим хэдийнэ үзэгч, сонсогчдын чихэнд хоногшсон биз ээ. Киноны хөгжмийг төгөлдөр хуурч Б.Чинбат бичиж, хоёр ч клипээ үзэгчдийн хүртээл болоод амжсан юм.
www.URLAG.mn
