Г.Занабазарын нэрэмжит Дүрслэх урлагийн музей ШУА-ийн Археологийн хүрээлэнтэй хамтран зохион байгуулж буй “Археологийн олдворт нуугдсан урлаг” үзэсгэлэнг дэлгэж байна.
Энэ удаагийн үзэсгэлэн Олон улсын музейн өдрийг тохиолдуулан “Хурдтай өөрчлөгдөж буй нийгэм дэх музейн ирээдүй” уриан дор зохион байгуулагдаж буйгаараа онцлог.
Энэхүү үзэсгэлэнд чулуун зэвсгийн үеэс хамаарах эртний төрт улсуудын түүхийн олон үеийг харуулсан Монгол нутгаас олдсон 100 орчим археологийн олдвор, нүүдэлчдийн ахуй амьдралын хэв маяг, уран сайхны илэрхийлэл, соёлын зан үйл, нүүдэлчдийн оюун санааны итгэл үнэмшлийг харуулсан өвөрмөц эд зүйлс, зураг чимэглэлийг дэлгэн үзүүлжээ.
Жишээлбэл, Дорнод аймгийн Булган сумын Норовлин уулын шинэ чулуун зэвсгийн үеийн оршуулгын газраас хүний дүрс бүхий чулуун баримал, Хүннүгийн үеийн сүлжмэл эдлэл, урлалыг тод харуулсан нэхмэл эдлэл, мөнгөн эдлэлийн хамт, Ноён уул, Түмбэр, Соёлын чулуун булш, Эртний Борнуурын булшнаас олдсон. Сүхбаатар аймгийн Баяндэлгэр сумаас олдсон баримал.
Үзэсгэлэн нь эртний нүүдэлчдийн гоо зүйн сэтгэхүй, уран сайхны бүтээлч байдал, сэтгэл хөдлөлийн илэрхийлэл, шүтэн бишрэх зан үйлийг археологийн олдвороор хэрхэн хадгалж, хөгжүүлж, уламжилж ирсэнийг харуулах зорилготой юм.
Үзэгч та бүхнийг энэхүү үзэсгэлэнгээр зочлон Шинэ чулуун зэвсгийн үеэс эхлэн Монголын эзэнт гүрэн хүртэлх түүхэн цаг хугацаагаар аялж, өвөг дээдсийнхээ бүтээсэн урлагийн ертөнцтэй танилцахыг урьж байна.
“Археологийн олдворт нуугдсан урлаг” үзэсгэлэн энэ тавдугаар сарын 20-ныг дуустал үргэлжилнэ.
