Орон нутгийн театрын уран бүтээлийг бодлогоор дэмжих хамтын ажиллагааны хүрээнд Урлагийн гавьяат зүтгэлтэн Л.Ванганы нэрэмжит Завхан аймгийн Хөгжимт жүжгийн театрын бүтээл “Асарын өндөр” түүхэн жүжгийг тавдугаар сарын 19-нд 19:00 цагаас УДЭТ-ын тайзнаа ганцхан удаа тоглох гэж байна.
Энэхүү бүтээл нь Монголын орчин үеийн тайзны урлагт шинэ үзэгдэл болоод зогсохгүй Монголын тулгар төр хэдэн мянганы түүхтэй, бүс нутгийн хэмжээнд өндөр үүрэг гүйцэтгэдэг байсан гэдгийг харуулснаараа онцлог бүтээл юм.
