“Харанга” хамтлаг үүсгэн байгуулагдсаны 25-н жилийн ой энэ жил тохиож байгаа. Энэхүү ойн хүрээнд хамтлагийн дуучин Х.Лхагвасүрэнгийн “Монгол ээж” тоглолт өнөөдөр, маргааш (гуравдугаар сарын 5,6-нд) үндэсний циркт 19:00 цагт болно. “Монгол ээж” тоглолт ойн арга хэмжээнүүдийн салхийг хагалж байгаа гэнэ.
Сонирхуулахад, “Харанга” хамтлагийн дуучин Х.Лхагвасүрэн нь 1983 онд Цэргийн хөгжмийн ангид “Нарийн бүрээ” тоглож эхэлсэнээр урлагт хөл тавьсан бөгөөд 1989 онд “Харанга” хамтлагийн дуучин болсоноор монголын рок поп урлагт хүчин зүтгэж эхэлсэн юм. Тэрээр 1999 онд буюу 15-н жилийн тэртээ “Монгол Улсын Соёлын Тэргүүний Ажилтан” цол тэмдэгээр шагнуулж байжээ.
Тоглолтонд “Харанга” хамтлаг бүрэн бүрэлдэхүүнээрээ оролцох бөгөөд ээжийн тухай олон сайхан дуутай, поп дива МУГЖ Т.Ариунаа болон МУСТА Х.Оюунбилэг нар урилгаар оролцох юм.
Тоглолтын тасалбар 40 мянган төгрөгний үнэтэй бөгөөд www.easyticket.mn сайтаар худалдаалагдах бөгөөд 1199 дугаарт холбогдож үнэгүй хүргэлтийн үйлчилгээг авах боломжтой.
www.URLAG.mn
