Нэрт дуучин Тэйлор Свифт түүнийг өөрийнх нь нөхөр хэмээн ярьж буй Тимоти Свитээс хамгаалахыг хүсчээ. 24 настай дуучин бүсгүй тэрхүү эрийг 2011 оноос хойш өөрийг нь мөрдөн мөшгиж, цахим шуудан руу нь захидал илгээж, хайр сэтгэлээ илчлэн гэрийнх нь хаягаар хүртэл “Аз жаргалын захидал” явуулж байсныг нотлох баримтыг дэлгэн тавьжээ.
Ноён Свит тэдний хооронд шавар хаах гэсэн ямар ч хүнийг, тэр ч бүү хэл, АНУ-ын Төрийн нарийн бичгийн дарга Жон Керри байсан ч хамаагүй ална шүү гэж заналхийлсэн байна. Түүнээс гадна Тимоти өөрт нь гар буу байгааг мэдэгдэж, хайртай бүсгүйгээ элдэв халдлагаас хамгаалахын тулд түүнийгээ ашиглана гэжээ.
Дуучин бүсгүй өөрийнх нь шүтэн бишрэгчид хийгээд ойр дотны хүмүүс үүнээс болж хохирох вий гэхээс сэрэмжилж шүүхэд хандсан бөгөөд тэрхүү гаж донтонг өөрт нь ойртох, иймэрхүү төрлийн захиа занаа бичихийг үүрд хориглохыг хүссэн өргөдлийг шүүхэд гаргасан аж. Лос-Анжелесын Дээд шүүхийн шийдвэр гуравдугаар сарын 25-нд хүчин төгөлдөр болох агаад түүнд зааснаар ноён Свит Тэйлор болон түүний гэр бүлийнхэнд 90 метрээс дотогш зайд ойртох эрхгүй болжээ.
Эх сурвалж www.wikimon.mn
