Буриадын үндэсний өв уламжлал, соёл урлаг, спортын төрөл зүйлийг хадгалж хамгаалах өвлүүлэн уламжлуулах, шинэчлэн хөгжүүлэх зорилгоор хоёр жил тутам зохион байгуулдаг “Алтаргана” наадам энэ жил долдугаар сарын 25-26-ны өдрүүдэдзохион байгуулах гэж байна.
Саяхан уг наадмыг зохион байгуулах соёлын дэд хорооны хурлаар “Алтаргана” наадмыг 12 төрлөөр явуулахаар хэлэлцсэн байна. Үүнд, “Буриадын нэг өдөр” сэдэвт ардын аман зохиол, язгуур урлагийн хамтлагуудын уралдаан, Үлгэрч туульч, ерөөлч магтаалчдын уралдаан, Буриад ардын дуу дуулаачдын уралдаан, Орчин үеийн буриад дууны бүтээлийн уралдаан, Буриадын уламжлалт гар урлаачдын бүтээлийн үзэсгэлэн, “Дангина” гоо бүсгүйн тэмцээн, Буриад яруу найргийн уралдаан, Буриад хувцасны шилмэл загвар зохион бүтээгчдийн уралдаан, “Алтаргана” фото үзэсгэлэн, Буриад бөхийн барилдаан, Буриад сурын харваа, Хурдан морины уралдаан гэсэн төрлөөр зохион байгуулахаар эхний удаад санал солилцоод байгаа аж.
Ч.Энхжаргал
Эх сурвалж: tv5.mn
