Найруулагч А.Чингүн, жүжигчин Н.Баярмаа нар “Монгол” хэмээх театр байгуулан, тус театрынхаа анхны бүтээлээр Бернард Шоугийн “Цезарь, Клеопатра хоёр”, Уильям Шекспирийн “Антони. Клеопатра хоёр” жүжгийн зохиолоос сэдэвлэсэн “Клеопатра” жүжгийг театрын урлагт дурлагсдад хүргэсэн.
Энэхүү сонгодог драмын жүжиг нь 2024 оны “Мөнгөн мод” наадмын шилдэг бүтээлээр шалгарч байв.
Тэгвэл бүх цаг үеийн гоо үзэсгэлэн, эрх мэдэл, оюун санааны бэлэг тэмдэг болсон Египетийн сүүлчийн фараон “Клеопатра” хатны амьдралын түүхийг харуулах энэхүү уран бүтээлийг ирэх долдугаар сарын 1-10-нд УДБЭТ-ын тайзнаа дахин толилуулахаар болжээ.
