Монголд үндэсний сэтгүүлзүй үүссэн энэ өдөртэй давхцан сэтгүүлч Хүрэлбаатарын Эрдэмбилэгийн “Миний аав Бурхан биш: Лондонгийн бичлэгүүд” эссэ нийтлэл, богино үгүүллэгийн ном хэвлэгдэн худалдаанд гарчээ.
Арваад жилийн өмнөөс бичсэн хамгийн эсэргүү эссэнүүдээ багтаасан зохиолчийн гурав дахь номын эхний бүлэгт өнөөгийн монголын нийгмийн сэтгэлгээ, үнэт зүйлсийг задлан шинжилж, оношлосон болон буддын шашны талаарх бодрол, мухар итгэлийг хэрхэн арилгах талаар эргэцүүлэл багтсан эссе нийтлэл орсон бол хоёрдугаар бүлэгт нь шог хошин зохиолын төрлөөр бичсэн богино өгүүллэгүүд багтжээ.
Тэрээр эссэ нийтлэлийн “Толбогүй монгол” номоо 2005 онд хэвлүүлснээс хойш, “ЭнДүүрэл ба бусад өгүүллэг” хэмээх богино өгүүллэгийн ном хэвлүүлж байсан юм.
