Дуунд дуртай дуучин монгол түмний сэтгэлд хоногшсон "Хос залуус", “Үнэнч хайраа зориулъя”, "Шар цэцэг" зэрэг дуунууд эгшиглэх гайхалтай үдэш 3 сарын 16-ны үдэш “UB Palace”-ийн концертын их танхимд 19:00 цагаас ганцхан удаа тохиох билээ. Тодруулбал: "Харш" хамтлагийн дуучин, хөгжимчин, МУ-ын хөдөлмөрийн гавьяаны улаан тугын одонт Б.Баяртсайхан “Миний аялгуу-2” хэмээх бие даасан амьд тоглолтоо хийхээр болжээ. Тус тоглолтын хэвлэлийн хурал өнөөдөр 12:00 цагаас МҮОНРТ-ийн мэдээллийн төвд болсон юм.
Монголын дууны урлагт 35 жил зүтгэж өнөөг хүртэл уран бүтээлээ туурвисаар яваа түүний тоглолтонд “Харш” хамтлаг бүрэн бүрэлдэхүүнээрээ оролцох юм байна. Тэдний хувьд бүрэлдэхүүнээрээ яг 10-н жилийн дараа ийнхүү тайзнаа дахин хамтарч тоглох гэж байгаа нь энэ юм. Түүнчлэн тэдний нэгэн үеийн андууд болох “Чингис хаан” хамтлаг тэргүүтэй уран бүтээлчид оролцож жинхэнэ хит дуунуудыг амьдаар эгшиглүүлэх нээ.
Сонирхуулахад тоглолтын тасалбарын борлуулалт 60% -тай байгаа гэсэн шүү. Та яараарай.
Дэлгэрэнгүй мэдээллийг: 86988181, 89568181, 88903131, 98583131 дугаараас лавлаарай.
www.URLAG.mn
