Монгол улсын Засгийн газрын тогтоолоор батлагдсан “Зөв Монгол хүүхэд” үндэсний хөтөлбөрийн хүрээнд “Авъяас” хөтөлбөр орон даяар хэрэгжиж эхэлсэн билээ.
Тэгвэл өнгөрсөн долоо хоногт Өмнөговь аймаг энэ хөтөлбөрийн нээлтээ эхлүүлсэн бөгөөд бүсчилсэн арга хэмжээнд 1600 гаруй хүүхэд багачууд оролцжээ. Энэ жил боловсролын салбарт хүүхэд нэг бүрийг хөгжүүлэх зорилтыг дэвшүүлэн ажиллаж байгаа. Энэ зорилтын хэрэгжилтийг хангах, тодруулбал хүүхэд нэг бүрийг авьяасыг нээж хөгжүүлэх, сурах арга барил эзэмшүүлж, бие биенээсээ харилцан туршлага солилцоход Авьяас хөтөлбөрийн гол зорилго нь оршиж байгаа юм.
Авъяас хөтөлбөр нээлтээ хийж хөтөлбөрийн хүрээнд “Авъяас” фестивалийн арга хэмжээг гурван бүс болгон зохион байгуулсан аж. Сурагчид яруу найраг, уран илтгэл, зурах, сийлэх, загвар зохион бүтээх, бүжиглэх, дуулах, хөгжим тоглох, шатар тоо бодох зэргээр өөрсдийн хийж чадах бас бүтээж чадах олон төрлийн авьяасаа нээж олонд танилцуулсан байна. Фестивалиас шалгарсан шилдэг сурагчдыг бэлтгэн ирэх сард Улаанбаатар хотноо Өмнөговь аймгийн Хүүхдийн урлагийн их наадмыг зохион байгуулах ажээ.
Ч.Энхжаргал
