БНСУ-ын алдарт дуучин G-Dragon согтууруулах ундаанд донтсон өсвөр насныхны нөхөн сэргээх эмчилгээ, сэтгэл заслын үйл ажиллагаанд зориулан 880 сая вон хандивлажээ. Уг хандивыг Сөүл хотын Үндэсний сэтгэцийн эрүүл мэндийн төв зэрэг байгууллагуудаар дамжуулан хүргүүлсэн байна. Энэхүү санхүүжилт нь архины хамааралтай болсон өсвөр насныхны эмчилгээ, сэтгэл заслын хөтөлбөр болон тэдэнд зориулсан нөхөн сэргээх төвийн үйл ажиллагааг дэмжихэд зарцуулагдах аж.
G-Dragon энэ талаар “Өсвөр үеийнхэн хамгийн эмзэг насан дээрээ олон сэтгэл зүйн дарамтад өртдөг. Тэдний төлөө бага ч атугай дэмжлэг үзүүлэхийг хүссэн” хэмээн мэдэгджээ.
Дуучин G-Dragon өмнө нь ч хүүхэд, өсвөр үеийнхний боловсрол, эрүүл мэндийн чиглэлээр олон удаа хандив өргөж, буяны үйл ажиллагаанд идэвхтэй оролцож ирсэн билээ.
