Жүжигчин Том Крузын кино урлагийн салбарын хөгжилд оруулсан үнэтэй хувь нэмрийг өндрөөр үнэлэн түүнд Америкийн кино академийн хүндэт шагналыг гардуулахаар болжээ. Шагнал гардуулах ёслол арваннэгдүгээр сарын 16-ны өдөр Лос-Анжелес хотын “Ovation Hollywood” төвийн “Ray Dolby” танхимд зохион байгуулагдах аж.
Энэхүү үйл явдал нь Том Крузын зөвхөн кино урлаг, театрт оруулсан хувь нэмрийг нь үнэлээд зогсохгүй түүний каскадёр буюу орлон тоглогчийн ажлыг өөрийн биеэр гүйцэтгэсэн хичээл зүтгэлийг нь онцлон тэмдэглэж буй хэрэг аж. Мөн энэ хүндтэй шагналыг дуучин Долли Партон, бүжиг дэглээч Дебби Аллен, продакшн дизайнер Уинн Томас нар гардан авахаар болсон байна. Дуучин Долли Партоны хувьд “9 to 5“, “Steel Magnolias“ зэрэг кинонд бүтээсэн дүрүүд болон сайн үйлсийн үйл ажиллагаанд идэвхтэй оролцсоныг нь үнэлсэн бол бүжиг дэглээч Дебби Алленыг кино урлагийн салбарт бүжгийн илэрхийллийг шинэлэг хэлбэрээр хөгжүүлж, шинэ түвшинд гаргасныг нь сайшаасан юм.
Сонирхуулахад, өнгөрсөн жил Америкийн кино академийн хүндэт шагналыг хөгжмийн зохиолч Куинси Жонс, жүжигчин Жульет Тейлор, найруулагч Ричард Кертис, продюсер Майкл Уилсон болон Барбара Брокколи нар хүртсэн билээ.
