Монгол Улсын мэргэжлийн урлагийн ууган байгууллага болох Улсын драмын эрдмийн театр залуу халаагаа бэлтгэх, мэргэжлийн өндөр ур чадвартай шинэ уран бүтээлчдийг төрүүлэх зорилгоор энэ оны ээлжит элсэлтийн шалгаруулалтаа амжилттай зохион байгууллаа.
Шалгаруулалт 2025 оны зургаадугаар сарын 19-ний өдөр болж, оролцогчдын намтар, уран бүтээлийн материалтай урьдчилан танилцаж, гоо зүй, тайзны дүр төрх, өөрийгөө илэрхийлэх чадвар, хувийн бэлтгэл зэргийг харгалзан үнэлсэн. Түүнчлэн дуу, бүжиг, хувийн номер, монолог гэсэн төрөл тус бүрээр шалгаруулалтыг явуулсан юм.
Энэ удаагийн “Театр-Студи” ангийн шалгаруулалтад Б.Мөнх-Учрал, Э.Билэгтмаа, М.Гэрэлт-Од, Б.Тэмүүлэн, Б.Амаржаргал нарын тэнцэж, УДЭТ-аар “овоглох”-оор болжээ.
