Монголын сэтгүүлчдийн эвлэл(CMJ)-ийн Ерөнхийлөгч Б. Галааридийн урилгаар БНСУ-ын Сэтгүүлчдийн холбоо(JAK)-ны Ерөнхийлөгч Park Chong – Ruyl тэргүүтэй төлөөлөгч Монгол улсад анх удаа албан ёсны айлчлал хийв.
Айлчлалын хүрээнд хоёр орны сэтгүүлчдийн байгууллагын үйл ажиллагаа, хөгжлийн тухай мэдээлэл солилцож, цаашдын хамтын ажиллагааны чиглэлийг тогтоож баталгаажуулав. Төлөөлөгчид Монгол Улсын Засгийн газрын хэвлэл мэдээллийн алба, МҮОНРТ, UBS, ETV болон “Монгол ньюс” ХХК, “Өнөөдөр” сонинд зочилж хэвлэл мэдээллийн өнөөгийн байдалтай танилцав.
Монгол Улс, БНСУ-ын сэтгүүлчдийн байгууллагын хамтын ажиллагааг шинэ шатанд гаргах, сэтгүүл зүйн хөгжилтэй биечлэн танилцах боломжийг бүрдүүлэх зорилгоор энэхүү санамж бичигт JAK болон CMJ нь жилд нэг удаа арав хүртэл сэтгүүлчдийн бүрэлдэхүүнтэй төлөөлөгчдийг долоо хоног хүртэлх хугацаагаар харилцан солилцох болон хөгжлийн чиглэл бүхий зарчмын шийдэлд санал нэгдсэн байна.
Хоёр орны сэтгүүлчдийн байгууллага, сэтгүүлчид харилцан айлчлах, сэтгүүлзүйн өнөөгийн хөгжлийг хурдасгахад энэхүү хамтын ажиллагаа, харилцан ойлголцлын санамж бичиг чухал нөлөө үзүүлнэ гэдэгт хоёр тал санал нэгтэй байна.
www.URLAG.mn
