Монголын дэлгэцийн кино урлагийн урын сан нэгээр нэмэгдэх нь ээ. Энэхүү уран бүтээл нь Prime Pictures, A Group, Black Zebra хамтын "Үргээлэг" нэртэй уран сайхны кино юм.
Киноны найруулагчаар Ж.Сэнгэдорж, зохиолчоор Ж.Сэнгэдорж болон А.Баттүшиг нар ажиллаж байна. Гол дүрүүдэд Б.Амарсайхан, Г.Эрдэнэбилэг, Ж.Баясгалан, С.Болд-Эрдэнэ, Б.Навчаа гэсэн чадварлаг жүжигчдийн баг тогложээ. Үргээлэг киноны зураг авалт дууссан бөгөөд зураг авалтыг зарим хэсгийг Хятад улсад хийсэн. Тус киног ирэх 4-р сард үзэгчдэд хүргэх төвөлөгөөтэй ажиллаж байгаа юм байна. "Үргээлэг" кинонд монголын нийгэмд тулгамдаж буй асуудлууд болон монголд ажиллаж амьдарч буй хятад иргэдийн тухай өгүүлэх гэнэ.
Баруун гар талаас: Найруулагч Ж.Сэнгэдорж, зураглаач О.Базаррагчаа, 2-р найруулагч А.Баттүшиг
www.URLAG.mn