ЮНЕСКО-гоос жил бүрийн гуравдугаар сарын 21-нийг "Дэлхийн яруу найргийн өдөр" болгон тэмдэглэдэг билээ. Энэ өдрийг манай улс ч бас тэмдэглэн өнгөрүүлдэг болоод удаж байгаа юм.
ЮНЕСКО эл өдрийг тунхаглахдаа гоо зүй, урлагийн ач холбогдол, яруу найргийн дотоод хүчийг онцгойлон сануулж, улс түмнүүдийг хүн төрөлхтний түүхэнд үүссэн хамгийн эрчимлэг, жинхэнэ урлагийн төрлийг уншдаг, мэдэрдэг байхад нь уриалан дуудахыг хүсч буй юм.
Дэлхийн яруу найргийн өдөрт зориулан ЮНЕСКО-гийн Монголын үндэсний комисс, ШУА-ийн Хэл зохиолын хүрээлэн, Үндэсний төв номын сангаас хамтран зохион байгуулж буй “Яруу найраг-хүмүүний оршихуйн үнэт зүйл мөн” сэдэвт уулзалт хэлэлцүүлгийн талаар мэдээлэл хийнэ. Тус хэвлэлийн хурал өнөөдөр “Монгол ньюс” мэдээллийн төвд 11:00 цагаас болно.
www.URLAG.mn
