Монголын хүүхэлдэй урлаач болон зураачид, Хүүхэлдэйн театрын үе үеийн уран бүтээлчид өнөөдөр 15.00 цагт Хүүхдийн номын ордонд болзоцгоожээ. Учир нь өнөөдөр Олон улсын хүүхэлдэйн театр, хүүхэлдэй урлаачдын өдөр юм. Монголын хүүхэлдэйн театр 1957 онд Олон улсын хүүхэлдэйн театрын холбоонд элссэн бөгөөд тэр үед болсон Будапештын хүүхэлдэйн наадамд манайхан П.Балдандоржийн найруулсан бүтээлээр оролцсон түүхтэй аж.
Монгол Улсын хүүхэлдэйн театрыг 1948 онд байгуулжээ. УДЭТ-тай хаяа нийлэн байрладаг Хүүхэлдэйн театр их, бага хоёр танхимтай. Багтай, таягтай, утсан, бээлийтэй, хуруун, сүүдэр гээд хүүхэлдэйн урлагийн олон төрлөөр уран бүтээл туурвин, бяцхан үзэгчдийн оюунд хөрөнгө оруулдаг тус хамт олонд бид талархах учиртай.
Монголын хүүхэлдэйн театрын анхны найруулагчдын нэг тэрбээр энэ өдрийн хүндэт зочин байх юм. Түүнчлэн ахмад найруулагч Б.Алтан-Очир нарын үе үеийн уран бүтээлч хуран цуглаж, Олон улсын хүүхэлдэйн театрын өдрийг тэмдэглэн өнгөрүүлдэг болох талаар хэлэлцэх юм байна.
Монгол Улсын хүүхэлдэйн театрыг 1948 онд байгуулжээ. УДЭТ-тай хаяа нийлэн байрладаг Хүүхэлдэйн театр их, бага хоёр танхимтай. Багтай, таягтай, утсан, бээлийтэй, хуруун, сүүдэр гээд хүүхэлдэйн урлагийн олон төрлөөр уран бүтээл туурвин, бяцхан үзэгчдийн оюунд хөрөнгө оруулдаг тус хамт олонд бид талархах учиртай.
Сонирхолтой түүх сөхвөл, Монголд хүүхэлдэйн урлагийг хөгжүүлэхэд “гурван Чой” их үүрэг гүйцэтгэсэн гэдэг. Тодруулбал, Монгол, Зөвлөлтийн найрамдалт хамтын ажиллагааны гэрээнд гарын үсэг зурахаар Москвад очоод хүүхэлдэйн жүжиг үзсэн маршал Х.Чойбалсан эх орондоо ирээд өвөрмөц урлагийг Монголдоо бий болгохоор зорьжээ.
Тэрбээр гурван хүнийг сонгон, хүүхэлдэйн урлагт сургахаар Москва руу илгээсэн нь М.Чойжамц, Н.Надмид, А.Дашдондог нар байжээ. Өөр нэг “Чой” нь 1951 онд Хүүхэлдэйн театрт жүжигчнээр орж, 1961 онд Прагийн Урлагийн дээд сургуульд явж, хүүхэлдэйн урлагийн мэргэжлийн найруулагч болсон А.Чойсон юм.
2000 онд болсон Олон улсын хүүхэлдэйн театрын холбооны XVIII хуралдаанаар энэ өдрийг санаачлан, 2003 оноос тэмдэглэх болжээ.
Э.Хана
