Японы алдарт юүтүбер Казү Монголд иржээ. Тэрбээр дэлхийн олон улсаар аялж, тухайн орны хэлээр иргэдтэй нь ярилцдаг цуврал контентыг “Kazu languages” юүтүб хуудсандаа байршуулдаг нэгэн. Иймд тэрбээр уг цувралынхаа дараагийн ангийг бэлтгэхээр манай оронд ирсэн байна.
Казү нь 14 орны хэлээр ярьдаг бөгөөд юүтүбт 1.3 сая, Тик токд 888 мянган дагагчтай юм. Дэлхийн олон орны алдарт юүтүберүүд манай улсыг зорин ирж, нүүдэлчдийн амьдралтай танилцах нь сүүлийн жилүүдэд нэмэгдсэн билээ.
Тухайлбал, Нас Дейли Монголд өнгөрсөн жил ирж, нүүдэлчдийн амьдралын талаар богино хэмжээний контентууд нийтэлж, хувь хүний хөгжлийн сургалт орсон байдаг. Мөн Британийн алдарт юүтүбер Бенжамин Рич Монголын хөдөө болон нүүдэлчдийн амьдралыг камерынхаа дуранд буулгаад буцсан юм.
