Канадын 20 настай дуучин Жастин Бибер Гиннесийн амжилтын номд багтах хэмжээний амжилтыг гаргажээ. Дэлхийгээс 12 км-ийн өндөрт түүний биед хоёр шивээс хийсэн байна. Ийм чухал үйл явдалд зориулж Бибер Нью-Йорк хотын шивээс хийгч мастер Бэнг-Бэнгийг урьжээ. Нислэгийн үеэр Жастины бие дээр загалмай шивэгдсэнээс гадна Forgive гэдэг бичвэр бичигджээ. Дуучин залуу ийм “баатарлаг” гавьяа байгуулсныг нотлохын тулд шивээс хийлгэх үйл явцыг дүрсжүүлж авсан аж.
