Олон улсын театрын баярын өдөр маргааш тохиох бөгөөд тус өдөрт зориулан "Вlack box" театрын уран бүтээлчид Эжен Ионескогийн “Хирснүүд” хэмээх жүжгийг үзэгчдийн хүртээл болгохоор зэхжээ. Уг жүжгийн ерөнхий найруулагч, зураачаар С.Мягмар ажиллаж байгаа бол найруулагчаар Ж.Амарзаяа, орчуулагчаар Б.Цацрал ажиллаж байгаа аж. Тус жүжгийн дүрүүдэд "Black box" театрын жүжигчин Н.Идэрболд, Н.Мөнхжаргал, Н.Эрдэнэ-очир, Д.Оюунзул, Н.Баасанжаргал нар тоглох нээ.
Жүжигт "Хирс" хэмээх амьтан өөрийгөө хамгаалхын тулд эргэн тойрны ан амьтдаа гишгэдэг тухай гардаг бөгөөд энэ бүхнийг өнөөгийн нийгмийн амьдралын бодит төрх, өөрийн эрх ашгийн төлөө түмний эрх ашгийг золиослон “Хирсжиж” байгаа албан тушаалтнуудыг шүүмжлэн харуулах аж. Ийнхүү “Хирснүүд” жүжиг маргаашнаас эхлэн бямба гариг бүрийн 20.00 цагаас "Вlack box" театрт тоглогдоно.
