АНУ-ын “Starbucks” компани эрүүл мэндийн чиглэлд түлхүү анхаарч эхэлжээ. Тус компани кокосын усан суурьтай уух зүйлсийн туршилтаа өргөжүүлж, шинээр хэдэн зуун салбарт тус ундааг нэвтрүүлэхээр боллоо.
Тус компани пүрэв гарагаас эхлэн Coco Matcha болон Coco Cold зэрэг нэр төрлийн бүтээгдэхүүнийг АНУ-ын Нью-Йорк, Лос-Анжелес болон Чикаго хот орчмын 400 гаруй салбарт туршилтаар худалдаанд гаргах аж. Энэхүү ундааг кокосын усан дээр матча эсвэл кофены нунтгийг удаан хугацааны туршид усанд тунгаан гаргаж авсан кофены хөөсөөр давхарлан хийдэг байна.
“Starbucks” кокосын усан суурьтай уух зүйлийг анх Нью-Йорк хотод “Starting Five” инновацын хөтөлбөрийн хүрээнд туршиж эхэлсэн бөгөөд таван салбарт энэхүү санааг туршиж, бусад салбарт нэвтрүүлэхээс өмнө бариста болон үйлчлүүлэгчдийн санал хүсэлтийг хүлээн авдаг байна.
Энэ тухай “Starbucks”-ийн Дэд ерөнхийлөгч Дана Пэлликано “Бидний эрүүл мэнд, сайн сайхны төлөөх чиглэл, санаачилга нь зүгээр ч нэг тренд биш. Энэ бол урт хугацааны бодлого. Coco Matcha болон Coco Cold Brew ундааны туршилтыг өргөтгөх нь эрүүл мэнд, сайн сайхны шинэ бүтээгдэхүүн хөгжүүлэх төлөвлөгөөнд хүрэх дараагийн алхам” гэдгийг дурдав.
“Starbucks”-ийн гүйцэтгэх захирал Брайан Никкол хамгийн сүүлийн тайландаа, хүйтэн ундааны борлуулалт өмнөх жилийн мөн үеэс 23 хувиар өссөн гэдгийг мэдэгдэж, энэ нь сүлжээний хамгийн алдартай шинэ бүтээгдэхүүн болсон гэдгийг онцолжээ.
