Анхны үнсэлтийн гашууныг мартахгүй
Амьсгалын тоолонд хайрласнаа мартахгүй
Амраглан явснаа андуурч мартахгүй
Амины үнэтэй дурлалаа мартахгүй
Өврөө нээсэн өдрөө мартахгүй
Үзэсгэлэнт сайхныг биширснээ мартахгүй
Үгүйлэн санахын жаргалыг мартахгүй
Өөр ертөнцөд очсон ч чамайгаа мартахгүй
Мартахгүй ээ, хэзээ ч мартахгүй
Маргаашийн төлөө өнөөдрийг мартахгүй
Мартаагүй ээ, хайрт минь мартахгүй
Магад үнэнийг үгүйсгэж мартахгүй
Дусал нулимсын шорвогийг мартахгүй
Дутуу гачуугийн хатууг мартахгүй
Дурлалаас хүчтэй үнэнийг мартахгүй
Дуугүйхэн эргэсэн дүрийг чинь мартахгүй
Мартахгүй ээ, хэзээ ч мартахгүй
Маргаашийн төлөө өнөөдрийг мартахгүй
Мартаагүй ээ, хайрт минь мартахгүй
Магад үнэнийг үгүйсгэж мартахгүй
Совин татаж хөх чинэрснийг мартахгүй
Солгой чих хангинаж хэл дуулснаа мартахгүй
Согтууртлаа тэмүүлсэн өөрийгөө мартахгүй
“Солиотой” дурлалынхаа түүхийг мартахгүй
Мартахгүй ээ, хэзээ ч мартахгүй
Маргаашийн төлөө өнөөдрийг мартахгүй
Мартаагүй ээ, хайрт минь мартахгүй
Магад үнэнийг үгүйсгэж мартахгүй
