ОХУ-ын Пермь хотын Дуурь, бүжгийн театр арвангурав дахь жилдээ олон улсын балетын жүжигчдийн "Арабеск" наадмыг зохион байгуулах гэж байна. Энэ удаагийн наадамд 24 орны 196 балетын одод оролцох мэдүүлгээ өгчээ.
Тус наадмын эхний шатны шалгаруулалт ирэх сарын 4-6-нд болж, мөн сарын 12-13-нд шагналт байранд орсон бүх бүжигчний нэгдсэн Гала-концертоор өндөрлөх аж. Урьд өмнө энэ наадамд ийм олон тооны балетчид оролцож байгаагүй гэнэ. "Арабеск" наадмын шүүгчдийн бүрэлдхүүнд ОХУ-аас гадна ХБНГУ, Гүрж, Япон, Португалийн нэрт 10 балетмейтер багтсан байна.
Б.САН/Зууны мэдээ/