Монголын үе үеийн эмэгтэй зохиолчдын яруу найраг, хүүрнэл зохиол, жүжиг, мюзикл, дурсамжийн ном нь бүсгүй хүний баяр жаргал, амьдралын зовлон гуниг аль алиныг нь ухааны цар, бодол бясалгал, сэрэл мэдрэмжээрээ туурвин бүтээж ард түмэндээ Монголын зохиолчдын түүхт 85 жилийн ойг тохиолдуулан барьж байгаа сэтгэлийн бэлэг ажээ.
Энэхүү номонд Э.Оюуны “Би эндээс явахгүй” жүжиг, С.Удвалын “Одгэрэл” тууж, Ш.Дулмаа, С.Оюун, Б.Энхтуяа, Г.Мөнхцэцэг, Ц.Хулан, Б.Ичинхорлоо, Л.Өлзийтөгс, Б.Батрэгзэдмаа, Р.Энхтуяа /Эмүжин/ зэрэг зохиол бүтээлээрээ олноо танигдсан 114 бүсгүй зохиолч, яруу найрагч, уран бүтээлчдийн туурвисан олон сайхан бүтээлүүд багтсанаараа хойчийн залуу үеийнхэнд үлгэр дууриал үзүүлж чадахуйц бүтээл болжээ. “МОНГОЛЫН ЭМЭГТЭЙ ЗОХИОЛЧИД-II” ном “Интерном” номын дэлгүүрээр худалдаалж байгаа юм байна.
