Дуучин Рианнагийн нэр үүрд Крис Браунтай холбоотой байх бололтой. Тэд олон удаа салж нийлж байсан. Мөн тэдний нэр томоохон дуулианд холбогдсон билээ. Крис Браун “Грэмми”-ийн шагнал гардуулах ёслолын өмнө Рианнаг зодсон мэдээ дэлхийн чихийг дэлдийлгэж байсан. Энэ явдал одоо ч мартагдаагүй аж. Тэр бүү хэл Рианнагийн өмнөөс өшөөг нь авах хүмүүс ч олджээ.
Рэппер Крис Браун одоо шоронд ял эдэлж байгаа. Тэрбээр сэргээн засах эмчилгээ хийлгэж байхдаа эмнэлгийн дүрмийг олон удаа зөрчиж, эмч нарын зааврыг дагахаас татгалзаж, бас хамт олны цуглааныг тасалж байжээ. Иймээс түүнд хорих ял оноосон.
“Шоронд түүнийг бүгд доромжилдог. Рианнаг цохисны төлөө түүнд муухай хоч өгсөн төдийгүй Крисийг рэппер биш аймаар R&B дуучин гэж үйл тамыг нь үздэг” хэмээн нэгэн гэрч мэдэгдлээ.
Шоронгийн ажилтан “Крис Браун их хөөрхийлөлтэй, азгүй амьтан мэт харагддаг. Тэр хоригдлуудын хэнтэй ч найзалж чадахгүй байгаа” гэж ярьсан байна.
www.mnews.mn
