Хонгорхон амраг минь үүрийн гэгээ шиг ирсийм
Харцных нь гэгээнд уярсийм
Хайтан цэцгийн дэлбээ өөрөө
Хайрын үгээ шивнэсэн
Дэр нийлсэн ханиа зүрхэндээ мэдэрсэн
Дэврүүн салхинаас ч харамлаад чамайгаа чанга тэвэрсэн
Дээдийн жаргалд би итгэсэн
Хорвоогийн хаанаас чиг санан догдлон тэмүүлсээр
Хол ойроос чамдаа яардаг сан
Санах тоолонд энхрий чиний
Сайхан дүр чинь инээмсэглээд
Уулзах мөчөө зөгнөн байж хүлээсэн
Анхил мөрийг чинь тэврэх бүрийдээ
Анхны учралаа санах юм
Мөнхийн усыг би
Уруулнаас чинь амсъя хайрт минь
Үнсэлтээрээ чи
Өглөө бүхэн сэрээгээч
Нандин учрал минь
Зуун жилдээ ганцхан хань минь
Навчис бударсаар он жилүүд холдлоо ч
Чамаасаа би чинь холдохгүй
Энхрийхэн амраг минь
Үүрийн гэгээ шиг ирсийм
Элбэрэл хайранд чинь уярсийм
Ганцхан заяах хүний орчлонг
Гараас чинь хөтлөөд туулахсан
Ааль нийлсэн хань минь
Хаврын нар шиг гийсэн
Амьдралын хатаас харамлаад чамайгаа би тэвэрсэн
Ханийн түшиг чи надад хайрласан
Мөнхийн усыг би
Уруулнаас чинь амсъя хайрт минь
Үнсэлтээрээ чи
Өглөө бүхэн сэрээгээч
Нандин учрал минь
Зуун жилдээ ганцхан хань минь
Навчис бударсаар он жилүүд холдлоо ч
Чамаасаа би чинь холдохгүй
Мөнхийн усыг би
Уруулнаас чинь амсъя хайрт минь
Үнсэлтээрээ чи
Өглөө бүхэн сэрээгээч
Нандин учрал минь
Зуун жилдээ ганцхан хань минь
Навчис бударсаар он жилүүд холдлоо ч
Чамаасаа би чинь холдохгүй
