Олон Улсын Театрын өдрийг тохиолдуулан архины эсрэг “Хар ба цагаан” бүжгэн жүжгийг Увс аймгийн Ойрад ХЖТ-ын тайзнаа тавьж үзэгч олондоо өргөн барилаа.
Тус уран бүтээлийн найруулагчаар Ч.Энхтөр, ерөнхий зураач Г.Төрбат, хөгжмийн найруулагч Я.Нэмэхбаяр нар ажиллажээ. МУСТА В.Лхамсүрэнгийн нэрэмжит бүжиг ангийн санаачлагаар уг жижгийг олны хүртээл болгосон бөгөөд уран бүтээлийг аймгийн Засаг дарга Д.Цэндсүрэн, Улаангом сум ивээн тэтгэсэн байна. Архины хор хөнөөлийг олон нийтэд сурталчилан таниулах арга хэмжээ өрнүүлсээр байгаа бөгөөд энэ хүрээнд аймгийн Засаг дарга анхны захирамжаа архидан согтууралтай тэмцэх чиглэлээр гаргаж, сүүтэй цагаан сар уриалга, архи тамхины эсрэг бүх нийтийн жагсаал, архи тамхины хор хөнөөлийг сурталчилсан лекц зөвлөгөөн зэрэг олон боломжит хэлбэрээр бодлого, зорилтоо хэрэгжүүлэн ажиллаж байна.
