Монголын Орчуулагчдын эвлэл үүсэн байгуулагдсаны 24 жилийн ойг тохиолдуулан дэлхийн утга зохиолын сор болсон яруу найргийн бүтээлүүдээс эх хэлнээ орчуулах уралдаан зарлалаа.
Зорилго нь утга зохиолын орчуулгыг шинэ түвшинд гаргах, орчуулагчдын ирээдүй хойч залуу үеийг бэлтгэх, тэдний авьяас чадварыг нээн хөгжүүлэх, орчуулгын бүтээлийг дэмжих зорилготой ажээ. Утга зохиолын орчуулга хийх авьяас сонирхол, мэдлэг чадвартай 18-45 хүртэлх насныхан дэлхийн аль ч хэлнээс хөрвүүлсэн гурваас таван бүтээлээр оролцох боломжтой юм. Уралдаанд ирүүлсэн бүтээлээс гурван байр шалгаруулан өргөмжлөл, мөнгөн шагналаар шагнах юм байна.Уралдааны бүртгэл дөрөвдүгээр сарын нэгнийг хүртэл үргэлжлэх бөгөөд шилдэгээ зургаадугаар сарын нэгэнд тодруулах аж. Шилдэг бүтээлүүд ном болон хэвлэгдэн гарах гэнэ.
