Европын улс орнуудын уран бүээлчдийн дунд зохион байгуулдаг “Eurovision” наадмаас ОХУ хасагдаад буй. Тэгвэл тус улс өөрийн хөгжмийн наадам болох “Intervision” наадмыг саяхан зохион байгуулжээ.
“Intervision” хөгжмийн наадам Москвагийн ойролцоо болж, БРИКС, Латин Америк, Ойрх Дорнод, хуучин Зөвлөлт холбоот улсын бүрэлдэхүүнд байсан улсууд гэхчилэн 22 орны уран бүтээлчид оролцсон байна.
Өмнө нь “Evrovision” наадамд түрүүлж байсан Дима Билан болон Полина Гагарина нар ая дуугаа өргөж, “Intervision” наадмыг нээжээ. Хөтлөгчид орос, англи, хятад хэлээр хөтлөсөн бөгөөд энэ нь эв нэгдэл, хөгжмийн хэлийг сурталчилж буй явдал аж.
ОХУ-ын ерөнхийлөгч Владимир Путин наадмын үеэр видео мэндчилгээ хүргэжээ. Тэрбээр уламжлалт үнэт зүйлс, үндэсний онцлогийн талаар ярьсан байна.
“Intervision” наадмын ялагчаар Вьетнамын дуучин Дук Фук тодорсон бөгөөд наадмын төгсгөлд 22 орны бүх уран бүтээлч хамтарч “A Million Voices” дууг дуулсан байна.
