Монголын циркийн урлагийн өнөөгийн байдал болон цаашид хэрхэн хөгжих, сургалтын асуудлаа яаж шийдэх, орон зай, байр шаардсан үзүүлбэр үүдээ хэрхэх зэрэг тулгамдсан асуудлаа хэлэлцэхээр Монголын циркчид чуулахаар болжээ.
Чуулган энэ сарын 10-нд болох бөгөөд одоогоор хаана зохион байгуулахаа эцэслэн шийдээгүй байна. Улаанбаатар хотод үйл ажиллагаа явуулдаг цирк, студи, продакшны багш, уран бүтээлчид, ахмад циркчид энэ арга хэмжээнд оролцохоос гадна орон нутагт ажиллаж байгаа жүжигчдээ ч урьжээ.
Циркчдэд хамгийн их бэрхшээл учруулж байгаа асуудал нь бэлтгэлийн байр, мэргэжлийн тоног төхөөрөмж юм. Тиймээс энэ асуудал чуулганы чухал сэдвийн нэг байх болов уу. Түүнчлэн Улсын цирк хувьчлагдсанаас хойш олон цирк, студи салбарлан гарсан ч мэргэжлийн ур чадвар нь илт буурч, Монголын үзэгчдэд чанартай тоглолт үзүүлж чадахг үй байгаа нь хэлэлцэх асуудлын нэг юм.
Өдий хүртэл энэ урлагийн талаар ямар бодлого баримталж буй нь тодорхойгүй байгаа ССАЖЯ чуулганы дараа бодитой хариу өгнө гэж найдъя.
Ж.Солонго
