Казахстанд болж буй “Silk Way Star“ олон улсын шоу уралдаанд дуучин Ч.Мишээл Монгол Улсаа төлөөлөн оролцож байна. Уралдааны эхний шатанд оролцогчид үндэсний дуугаар өрсөлдөхөд тэрбээр “Бундан улаан” хэмээх дуу дуулсан нь үзэгч, шүүгчдээс өндөр үнэлгээ авчээ.
Тодруулбал, шүүх бүрэлдэхүүнд багтсан Узбекистан, Армен, БНХАУ, Азербайжан, Казахстан, Туркменистан, Тажикистан, Малайз, Кыргызстаны шүүгчид манай дуучинд дээд үнэлгээ болох 10 оноо өгсөн байна.
Харин хоёрдугаар шатанд дуучид өөрсдийн улсын болон гадаадын хит дуунуудыг дуулж өрсөлджээ.
Шоу Казахстаны “Jibek Joly” телевизээр долоо хоног бүрийн бямба гарагт гарч байгаа юм байна.
Торгоны зам дагуу оршдог Азербайжан, Армен, Гүрж, Казахстан, БНХАУ, Кыргызстан, Малайз,Монгол, Тажикистан, Туркменистан, Узбекистан, БНСУ гэсэн 12 улсын уран бүтээлч оролцож буй тус уралдааны финалын шоу ирэх арваннэгдүгээр сарын 22-нд болж, ялагч тодрох аж.
