Монголд анх удаа болсон "Галын домог" нэртэй театрчилсан цирк шоугаараа "Бөртэ чоно, Гуа марал"-ын түүхээр өнгөрсөн арванхоёрдугаар сард анх удаа циркийн манежнаа толилуулсан билээ. Тэгвэл энэ удаад “Галын домог” циркийн театрчилсан тоглолтыг ЕБС-ийн сурагчдын амралтад зориулан дахин дэлгэлээ.
Уг тоглолтын зохиолыг нь “Болор цом”-ын эзэн, яруу найрагч Ц.Хулан бичжээ. Энэхүү тоглолт нь циркийн гайхалтай үзүүлбэрүүдийг Монголд шинээр хөгжиж буй этник урсгалаар баяжуулан драмчилсан тоглолт, биеэр өгүүлэхүйн гайхамшгийн хамт мэдрүүлснээрээ онцлог байлаа. Тоглолтод Монголд төдийгүй дэлхийд цөөхөн эрэгтэй уран нугараачдын нэг Э.Лхагва-Очирын гайхалтай үзүүлбэр, жонглёр, дээстэй үзүүлбэр гээд циркийг урлагийн бүхий л сонирхолтой үзүүлбэрүүдийг багтаажээ.
“Галын домог” циркийн театрчилсан тоглолт энэ сарын 5, 6-нд 15.00 цагт үзэгчдийн хүртээл болно.
www.URLAG.mn
