Жил бүрийн аравдугаар сарын 1-нд дэлхий даяар кофенд дурлагсад “Олон улсын кофе өдөр”-ийг тэмдэглэдэг. Энэ өдөр бол зүгээр нэг халуун ундааг уух өдөр бус, харин кофены соёл, түүх, фермерүүдийн хөдөлмөр, түүнчлэн дэлхийн эдийн засагт үзүүлж буй нөлөөг хүндэтгэн дурсах өдөр юм.
Гарал үүсэл
Кофены түүхийг домогт Калди хэмээх Эфиоп хоньчинтой холбодог. Тэрээр ядарч сульдсан ямаануудаа нэгэн улаан жимс идсэний дараа гэнэт эрч хүчтэй, цовоо болсныг анзаарчээ. Энэ жимс нь өнөөгийн бидний мэдэх кофены үр байсан гэдэг. Кофе Эфиопоос Арабын ертөнцөд тархан, дараа нь Европт хүрч, улмаар дэлхийн хамгийн их хэрэглэгддэг ундааны нэг болжээ.
Яагаад тэмдэглэдэг вэ?
Олон улсын кофе өдрийг анх 2015 онд Миланд болсон Дэлхийн Экспо үзэсгэлэн дээр НҮБ-ын Хүнсний байгууллага болон Олон улсын Кофены байгууллага (ICO)-оос зарласан.
Энэхүү өдрөөр:
- Кофе тариалдаг фермерүүдийн хөдөлмөрийг үнэлэх
- Шударга худалдааг дэмжих
- Кофены соёлыг хуваалцах зорилготой.
Кофены төрөл:
- Арабика (Arabica): Зөөлөн, жимслэг амттай. Дэлхийн кофе үйлдвэрлэлийн 60%-ийг эзэлдэг.
- Робуста (Robusta): Илүү гашуун, кофейны агууламж өндөр. Эспрессо болон инстант кофенд өргөн хэрэглэгддэг.
- Түүнчлэн капучино, латте, американо, мокка зэрэг олон төрлийн найруулгын ундаа бий.
Хүний биед үзүүлэх ашиг тус:
Зөв хэмжээгээр кофе хэрэглэснээр
- Сэргээж, анхаарал төвлөрөл сайжруулна
- Тархи, мэдрэлийн үйл ажиллагааг дэмжинэ
- Биеийн илүүдэл өөхийг шатаахад тусална
- Антиоксидантаар баялаг тул хөгшрөлтийг удаашруулна
- Паркинсон, Альцгеймер зэрэг өвчний эрсдлийг бууруулахад судалгаагаар ашигтай нь тогтоогдсон
Гэхдээ хэтрүүлэн уувал зүрхний цохилт хурдсах, нойргүйдэх зэрэг сөрөг нөлөө үзүүлэх магадлалтай тул өдөрт хоёр аягаас хэтрүүлэхгүй нь тохиромжтойд тооцогдоно.
