Зохиолч, сэтгүүлч С.Дашнямын “Хар авгай” номын нээлт өнөөдөр 14:00 цагаас “Интерном” номын дэлгүүрийн төв салбарт болох аж.
“Хар авгай” номын тухай зохиогч С.Дашням “Нэгэн бүсгүйн амьдралын нууцхан хэрнээ бүдгэрэн мартагдсан түүхийг танд дэлгэсний учир нь аль ч улс үндэстний дунд, ямар ч цаг үед хүний оюун санааны дэврүүн хүсэл мөрөөдөл, бүтээж босгох хөдөлмөрч зан чанар л өөрийг нь хөглөж бусдаас ялгарах гайхамшигт аялгууг дуурьсган жаргал эдлүүлдэг юм байна гэдгийг л хэлэх гэж зорилоо” хэмээн тодотгосон байна лээ. Ингээд утга зохиолын салбарт бас нэгэн шинэ бүтээл мэндэлж буй өдрийг уншигч та ч бас хуваалцах биз ээ.
