“Андра модель” агентлагийнхан шилжин явах цомын эзэд болов

  Өнгөрөгч ням гаригт буюу 4-р сарын 6-нд “Азийн модель” агентлагаас санаачлан “Сайн үйлсийн төлөө хамтдаа” уриан дор зохион байгуулсан тэмцээн амжилттай болж өндөрлөв.

Энэхүү тэмцээний Шилдэг Эрэгтэй баг, алтан медалийн эздээр Монгол моделийн баг, Мөнгөн медалийг“Андра модель” , Хүрэл медалийг “Азийн модель” агентлаг тус тус хүртсэн бол, Шилдэг Эмэгтэй баг,алтан медалийг “Андра модель”, Мөнгөн медалийг “Азийн модель”агентлаг тус тус  хүртэж,  уг тэмцээн маань сонирхолтой явагдаж өнгөрлөө.

Тэмцээнийг зохион байгуулсан гол зорилго нь Эх нялхсын эрүүл мэндийн байгууллагын нялхсын яаралтай тусламжийн газарт шаардлагатай тоног төхөөрөмжийг авч өгөх явдал байлаа. Зорилгоо биелүүлж,  Алтан медаль авсан “Монгол модель” агентлагийнхан нийт цугласан бооцооны мөнгөөрөө авсан тоног төхөөрөмжийг Эх нялхсын эмч нарт гардууллаа. Шилжин явах цомтойгоор зохион байгуулагдаж, тэмцээнийг санаачилсан “Азийн модель” агентлагийн хамт олон хүмүүнлэгийн уриан дор бүх загварын агентлагуудыг хамруулсан нөхөрсөг тэмцээнийг жил бүр зохион байгуулж байхаар болжээ.

www.URLAG.mn