Холливудын жүжигчин Женнифер Энистон 1990-ээд оны үед ихэд алдаршиж байсан “Найзууд” нэртэй телевизийн олон ангит кинонд суурилан дуулалт жүжиг хийхээр болжээ.
Өдгөө 45 настай од бүсгүй энэ төсөлдөө оролцох багийг бүрэлдүүлэх ажилдаа орсон байна. Тэрбээр олон ангит киног гоёмсог дуулалт жүжиг болгон олон сая долларын ашиг олно гэдэгтээ итгэлтэй байгаа аж. Уг ажилд Ли Мишель оролцохоос гадна Шерил Кроу зөвлөгөө өгөх бололтой. Өмнө нь уг киноны үргэлжлэл хийгдэж магадгүй гэсэн яриа гарч байсан билээ. Түүнд “Найзууд” киноны бүх одод болох Кортни Кокс, Лайза Кудроу, Дэвид Швимер, Мэтт ЛеБланк, Мэттью Перри, Женнифер Энистон нар тоглох байсан юм. Гэвч Энистон ийм яриа болоогүй гэдгийг мэдэгджээ.
Эх сурвалж www.wikimon.mn