Найруулагч С.Бямбын “Алсын удирдлага” кино Бусаны кино наадмаас “Шинэ давалгаа” номинацийн тэргүүн шагналыг хүртээд зогсолгүй Вильнюсын 19 дэх олон улсын кино наадамд оролцжээ.
Тус наадамд дэлхийн өнцөг булан бүрээс сонгогдсон 200 гаруй уран сайхны, богино хэмжээний болон баримтат киног 15 тусгай хөтөлбөрийн хүрээнд толилуулсан байна. Манай улсыг төлөөлж оролцсон “Алсын удирдлага” уран сайхны кино нь “Шинэ нээлт” хөтөлбөрийн хүрээнд Балтийн орны үзэгчдэд анх удаа хүрчээ. Уг киноны хувьд одоогийн байдлаар Бусан, Сөүл, Роттердам, Гётебург, Вильнюсын наадамд эх орноо төлөөлөн оролцсон бөгөөд цаашдаа ч цөөнгүй кино наадамд оролцох урилга хүлээж аваад байгаа юм.
