Казахстанд болж буй “Silk Way Star“ олон улсын шоу уралдаанд дуучин Ч.Мишээл Монгол Улсаа төлөөлөн оролцож буй.
Тэмцээнд 12 орны шилдэг дуучид өрсөлдөж байна. Тэмцээний финал арваннэгдүгээр сарын 22-нд болно. Тэрбээр уралдааны эхний шатанд оролцогчид үндэсний дуугаар өрсөлдөхөд “Бундан улаан” хэмээх дууг дуулж үзэгч, шүүгчдээс өндөр үнэлгээ авсан.
Харин аравдугаар сарын 5-нд болсон тэмцээний дараагийн шатанд Казахстаны алдартай хит дуу болох дуучин Аяугийн “Сыбырлайн” дууг дуулсан юм.
Түүний энэ үзүүлбэрийг шүүгчид өндрөөр үнэлж, есдүгээр байрт жагсаж байсан Ч.Мишээл оноогоороо дөрөвдүгээр байрт жагсаж эхэллээ.
