Мэргэжлийн урлагийн ууган байгууллага Улсын Драмын Эрдмийн Театрын хамт олон 2010 онд зохиож байсан В.Крансногоровын долоон жүжгийн үргэлжлэл болгон 2014 оны 04 сарын 09-нөөс эхлэн Бэсрэг жүжгийн төслийг хэрэгжүүлэж байгаа бөгөөд энэхүү төслийн хүрээнд бид бүгдийн бахархал болсон долоон найруулагчийн долоон жүжиг багтаж байгаа юм.
“Бэсрэг жүжгийн төсөл”-энэ сарын 9-нд буюу өнөөдөр “Хэрээт төгөл” жүжгээр нээлтээ хийх гэж байна. Төслийн хүрээнд долоон найруулагчийн долоон өөр ертөнцийн хаалга үзэгчдийн өмнө нээгдэж байгаа юм.
Харин өчигдөр тус театрын хамт олон “Бэсрэг жүжгийн төсөл”-ийн талаар мэдээлэл хийлээ. Уг хэвлэлийн бага хуралд Урлагийн гавьяат зүтгэлтэн, зохиолч, найруулагч Н.Ганхуяг, Соёлын тэргүүний ажилтан, найруулагч Ч.Түвшин, Урлагийн гавьяат зүтгэлтэн, найруулагч Ч.Найдандорж, найруулагч Ц.Батнайрамдал, Төрийн соёрхолт ерөнхий найруулагч Н.Наранбаатар, Урлагийн гавьяат зүтгэлтэн, найруулагч Б.Мөнхдорж болон Ардын жүжигчин Н.Сувд нар оролцлоо.
Ингээд та бүхэндээ “Бэсрэг жүжгийн төсөл”-ийн хүрээнд тоглогдох долоон жүжгийг танилцуулья.
1. А.Очирбат-“Буруугүй буруутан” УДЭТ-ын Найруулагч УГЗ Б.Баатар, Зураач С.Ариунболд
2. Люсиль Флетчер- Уучлаарай та дугаар андуурч- УДЭТ-ын Найруулагч СТА Ч.Түвшин, Зураач н.Баярмагнай
3. А.Ванпилов – Хэрээт төгөл – Найруулагч УГЗ, Ардын жүжигчин Б.Мөнхдорж, Зураач СТА Т.Аянга
4. Г.Пинтер- Өчигдөр Найруулагч: УДЭТ-ын Ерөнхий найруулагч Төрийн соёрхолт Н.Наранбаатар, Зураач УДЭТ-ын Ерөнхий зураач СТА Т.Ганхуяг
5. Н.Ганхуяг – Бүүвэй – Найруулагч Урлаг судлалын ухааны доктор, профессор, УГЗ Н.Ганхуяг, Зураач Баярмагнай
6. Дарио Фо- Чөлөөт хос- УДЭТ-ын Найруулагч УГЗ Ч.Найдандорж , Зураач С.Ариунболд
7. Николай Коляда- Манекен- Найруулагч Ц.Батнайрамдал, Зураач Чулуунбат гэх долоон найруулагчийн долоон өөр шийдэл, долоон өөр сэтгэмж, долоон өөр өнгө дүр төрх бүхий долоон өөр ертөнцөөр Улсын Драмын Эрдмийн Театрын хамт олон үзэгч түмэндээ бэлэг барих нь ээ.
www.URLAG.mn
