Ирландын алдарт “Kodaline” хамтлаг 2025 оны аравдугаар сарын 9-нд олон нийтийн сүлжээнд фэнүүддээ хандан бичлэг нийтэлж, түүгээрээ тус хамтлаг тарах шийдвэр гаргаснаа мэдэгджээ.
Мэдэгдэлд “Бид арван гаруй жилийг хамтдаа өнгөрүүлсний эцэст Kodaline-д баяртай гэж хэлэх хүндхэн шийдвэрийг гаргалаа” хэмээн тэд мэдэгдэлдээ дурдсан байна.
Хамтлагийн гишүүд болох Стив Гарриган, Марк Прендергаст, Винни Мэй Жуниор болон Жэйсон Боланд нар мэдэгдэлдээ фэнүүддээ зориулан тав дахь бөгөөд сүүлчийн цомгоо бичиж байгаагаа дуулгажээ.
View this post on Instagram
2012 онд байгуулагдсан “Kodaline” хамтлаг нь сэтгэл хөдлөм аялгуутай, уянгалаг рок хөгжмөөрөө дэлхий даяар олон сая шүтэн бишрэгчтэй болсон. Тэдний “All I Want,” “Brother,” “High Hopes” зэрэг хит уран бүтээлүүд нь хайр, итгэл, урам зоригийн тухай сэдвээр сонсогчдын сэтгэлийг татсаар ирсэн билээ. Тэд тус бичлэгийнхээ төгсгөлд “Энэ бол бидний хувьд төгсгөл биш, харин шинэ эхлэл” хэмээн хэлжээ.
