Өмнөд Солонгосын “F-IV” хамтлагийн дуучин Жан Хэ Ён хорт хавдартай тэмцэж байгаад 45 насандаа таалал төгсжээ.
2000-аад оны эхэн үеэр гарч ирсэн хөвгүүдийн хамтлаг болох “F-IV” хамтлагийн гишүүн Жан Хэ Ён таалал төгссөн тухай мэдээллийг хамтлагийн гишүүн Ким Хён Сү энэ сарын 10-ны өдөр олон нийтийн сүлжээгээр дамжуулан олон нийтэд зарлажээ. Энэ тухай тэрээр “Баяртай найз минь. Диваажинд дахин уулзъя” хэмээжээ.
.jpg)
Жан Хэ Ён 1997 онд “Kid” хамтлагийн гишүүнээр дебютээ хийсэн. Үүний дараа буюу 2002 онд Со Жи Вон, Ү Жүн Тэ нарын хамт F-IV хамтлагт нэгдэж, “Girl”, “I’m Sorry”, “Ring” зэрэг алдартай хит дуунуудаараа олонд танигджээ.
К-Поп хөвгүүдийн хамтлагийн эхэн үеийн төлөөлөл болсон түүнд шүтэн бишрэгчид нь хүндэтгэл үзүүлж, эмгэнэл илэрхийлжээ.
