Залуу зохиолч Э.Баянжаргал "Огт оргүйг ширтнэм" шинэ номоо уншигч олондоо барьж байгаа аж. Номын нээлт энэ сарын 19-ний 17:00 цагт “Интерном” номын дэлгүүрт болох юм байна.
Э.Баянжаргал "Огт оргүйг ширтнэм" номын тухай МЗЭ-ийн шагналт яруу найрагч Ж.Батсайхан “Сайхан бүсгүйтэй зөрж өнгөрөөд эргэн харах сайхан. Заавал эргэж хармаар тийм сайхан бүсгүй ховордож дээ. Нэн ховор, юм ховорддог хавар цагт бүүр, сайхан бүсгүйг ч эргэн харах ч ховордож… Ийм ховор цагт, ийм хавар цагт ховор шүлэг өвөрлөсөн бүсгүй таарав. Түүнийг би тээр жилийн “Эгшиглэнт яргуй” дэлбээлэх хавар эхэлж харсан. Гэхдээ араас нь бус эгц өмнөөс нь нүүр тулж суугаад “Хэнз яргуй” анхны шүлгийг нь уншиж байснаа санав. Огт дуугүй суудаг охин томоо болоод “Огт оргүйг ширтнэм” гээд хүрээд ирлээ. Тэр хорвоог өөрөөр хардаг болжээ” хэмээсэн байна.
Эх сурвалж: info.mn
