1984 онд байгуулагдаж нийгмийн хараат байдалд Монголын ирээдүйн өнөө цаг үеийн метал рок урсгалд гол нөлөө үзүүлж хөгжүүлж ирсэн "Аясын салхи" хамтлаг 30-н жилийн ойн тоглолтоо “Дорно зүгийн салхи” нэртэйгээр хийх гэж байна.
“Дорно зүгийн салхи” тоглолт өнөөдөр буюу энэ сарын 16-нд 19:00 цагаас UB паласын X-treme клубт болно. Тоглолтонд модернист яруу найрагч Б.Галсансүх, Булсара, Хос Сүх, Silent Scream зэрэг хамтлагууд оролцох аж.
Монголын ирээдүйн метал хөгжмийн анхны үүд хаалгыг нээж өгсөн тул өдгөө тэднийг олон хамтлаг “Монголын метал рокын загалмайлсан эцэг” хэмээн өргөмжилдөг аж. “Саран доорх авсан хот” нэртэй анхны цомгоо хэвлүүлэн, өөрсдийн үзэл бодлоо чөлөөтэй илэрхийлж, сонсогчдынхоо хүрээг тэлсэн тус хамтлаг сүүлийн үед death metal урсгалаар уран бүтээлээ туурвих болсон.
Сонирхуулахад "Аясын салхи" хамтлагийнхан тоглолтынхоо дараа энэхүү концертоо DVD болгон хэвлүүлэх юм байна.
www.URLAG.mn