Нийтийн дууны урлагийн энэ цаг үеийн шилдгүүдийг тодруулах “Алтан хуур-2014” наадам энэ сарын 22-нд Монгол бөхийн өргөөнөө зохион байгуулагдах билээ. Тус наадам нь "Нийтийн дууны шилдэг эрэгтэй дуучин", "Нийтийн дууны шилдэг эмэгтэй дуучин", “Нийтийн дууны шилдэг хос дуучин”, “Нийтийн дууны шилдэг яруу найрагч”, “Нийтийн дууны шилдэг хөгжмийн зохиолч”, “Нийтийн дуунд үнэтэй хувь нэмэр оруулсан уран бүтээлч”, “Нийтийн дуучны шилдэг концерт”, “Нийтийн дуучны шилдэг аялан тоглолт”, “Нийтийн дуучны шилдэг цомог”, “Нийтийн дуучны шилдэг студи”, “Нийтийн дуучны шилдэг видео клип”, “Олон нийтийн сэтгэлд хүрсэн дуу" зэрэг 12 номинацид нийтийн дууны урлагийнхны шилдгийн шилдгүүдийг тодруулах юм.
"Алтан хуур-2014" наадам нь нийтийн дууны урлагийнхны нэгдсэн надам болон зохион байгуулагдаж байгаагаараа ихээхэн онцлог бөгөөд улаан хивсний ёслолыг ч мөн анх удаагаа зохион байгуулж байгаагаараа онцлог юм. Тус ёслолд нийтийн дууны урлагийн үе үеийн төлөөлөл болсон дуучид, хөгжмийн зохиолчид, яруу найрагчид, студи продакшнууд, урлаг судлаачид, эрдэмтэн, доктор, шүүмжлэгчид оролцох бөгөөд улаан хивсний ёслол 17:00 цагаас эхлэж, шагнал гардуулах ёслолын ажиллагаа, гала тоглолт 20:00 цагаас болох юм.
Нэр дэвшигчдийн хувьд МУГЖ С.Жавхлан, МУГЖ С.Ганзориг, МУГЖ С.Вандан, МУГЖ Д.Дуламсүрэн, МУСТА Д.Хишигбаяр, МУСТА Р.Дэлгэрмаа нарын 60 гаруй уран бүтээлчид нэр дэвшинэ өрсөлдөж байгаа аж. Ийнхүү дуунд дуртай дуучин монгол түмний хайр хүндлэлийн эзэд болсон олон гайхалтай уран бүтээлчдээс шилдгүүдийг нь тодруулж алдаршуулах “Алтан хуур-2014” наадмын шагнал гардуулах ёслолын ажиллагаа, гала концертын тасалбар цөөхөн тооны борлуулагдаж байгаа бөгөөд тун эрэлттэй байгаа гэнэ. Ингээд эрхэм үзэгчид та бүхэн тасалбараа амжиж захиалаарай.
Наадмын талаархи дэлгэрэнгүй мэдээллийг болон тасалбарыг 96364147, 86004147, 91182341, 99172341 дугааруудаас лавлаарай.
